Kryeministri dhe lideri i LSDM-së Zoran Zaev dhe kryetari i BDI-së Ali Ahmeti sot në Kuvendin e Republikës së Maqedonisë së Veriut ku është caktuar seancë për pyetjet e deputetëve do të bisedojnë për konfirmimin e kandidatit të përbashkët për zgjedhjet e ardhshme presidenciale.

Zaev dje para mbledhjes koordinuese të partisë deklaroi se nuk janë shumë larg zgjedhjes së kandidatit të përbashkët me partitë politike me të cilat po bisedojnë për këtë, duke përfshirë edhe partnerin e koalicionit në Qeveri, BDI-në.