Princi William ka përfunduar një trajnim trejavësh me agjencitë e inteligjencies në Mbretërinë e Bashkuar.

Gjatë këtij trajnimi sekret, Duka i Kembrixhit ka punuar me spiunë britanikë nga agjencitë MI5, MI6 dhe GCHQ, shkruan Euronews, transmeton Klan Kosova.

Ai ka bashkëpunuar edhe me oficerë që hetojnë terrorizmin dhe ka mësuar rreth sfidave të sigurisë kombëtare.

“Të gjithë duhet të jemi thellësisht mirënjohës për punën e vështirë dhe të rrezikshme që ata e bëjnë”, ka thënë Princi William.

“Përvoja brenda agjencive tona të sigurisë dhe inteligjencës më ka ndihmuar që të kuptoj më shumë për kontributin jetik që ata japin për sigurinë kombëtare”.